مەودا میدیا-

به‌ڕێوه‌به‌رایه‌تیی گشتیی كه‌شناسی و بومه‌له‌رزه‌زانی هه‌رێمی کوردستان، له‌ئاگاداریه‌كی به‌په‌له‌دا، هۆشداری له‌ئه‌گه‌ری دروستبوونی لافاو ده‌دات و رایده‌گه‌یه‌نێت، له‌ماوه‌ی 12 كاتژمێر داهاتوودا، له‌ ناوچه‌كانی باكووری رۆژهه‌ڵاتی هه‌ولێر و ئیداره‌ی راپه‌ڕین و گه‌رمیان، ئه‌گه‌ری لێزه‌ باران و بروسكه‌ هه‌یه‌.

ئەمڕۆ هەینی 17ی کانوونی یەکەمی 2021 به‌ڕێوه‌به‌رایه‌تیی گشتیی كه‌شناسی و بومه‌له‌رزه‌زانی هه‌رێمی کوردستان له‌ئاگادارینامه‌یه‌كدا بڵاویكرده‌وه‌ "به‌گوێره‌ی پێشبینیمان له‌ماوه‌ی 12 كاتژمێری داهاتوو ئه‌گه‌ری لێزمه‌ باران و بروسكه‌ به‌ رێژه‌ی زۆر ناوچه‌كانی باكووری رۆژهه‌ڵاتی پارێزگای هه‌ولێر هه‌یه‌ كه‌ قه‌زای كۆیه‌ و ناحیه‌ی ته‌قته‌ق و ده‌وورووبه‌ری ده‌گرێته‌وه‌".

ئاماژەی بەوەشکردووە "ئه‌گه‌ری لێزمه‌ باران و بروسكه‌ به‌ڕێژه‌یه‌كی زۆر، له‌سه‌ر ناوچه‌كانی ئیداره‌ی راپه‌رین و ئیداره‌ی گه‌رمیان هه‌یه‌ و پێویسته‌ هاوڵاتییان ئاگاداربن".

پێشتریش به‌ڕێوه‌به‌رایه‌تیی گشتی كه‌شناسی و بومه‌له‌رزه‌زانی هه‌رێم، ره‌وشی كه‌شوهه‌وای بۆ ئه‌مڕۆ هه‌ینی و سبه‌ینێ شه‌ممه‌ بڵاوكرده‌وه‌ و رایگه‌یاند، بارانبارینی به‌لێزه‌ له‌ناوچه‌ جیاجیاكانی هه‌رێم به‌رده‌وامی ده‌بێت و له‌ناوچه‌ شاخاویه‌كانیش ئه‌گه‌ری به‌فر بارین هه‌یه‌.

ر. ب