مەودا میدیا-

بەڕێوەبەرایەتیی پۆلیسی سلێمانی دەستگیرکردنی دوو تۆمەتباری راگەیاند، کە دزیان لە هاوڵاتییەکی قەزای چەمچەماڵ کردووە.

بەڕێوەبەرایەتیی پۆلیسی سلێمانی رایگەیاند "دوای ئەوەی ھاوڵاتییەک سکاڵای تۆمارکرد کە دزی لێکراوە، پاش وه‌رگرتنى بڕیارى دادوه‌ر و لێكۆڵینه‌وه‌كان بۆ دۆزینه‌وه‌ و ده‌ستگیركردنى تۆمه‌تباران ده‌ستیپێكرد، و توانرا دوو تۆمەتبار لەلایەن مه‌فره‌زه‌كانى پۆلیسى نەھێشتنی تاوانی چەمچەماڵەوە دەستگیر بکرێن و لەبەردەم دادوەردا دانیان نا بەتاوانەکەیاندا".

ئەوەشی خستووەتەڕوو "له‌ئێستادا ھەردوو تۆمه‌تبار (ھ. ح. م.) و (م. خ. ع.)  به‌بڕیارى دادوه‌ر و به‌پێى مادده‌ى 444 له‌یاساى سزادانى عیراقى راگیراون و لێکۆڵینەوەکان بەردەوامە".

ر. ئ.