مەودا میدیا-

وەزارەتی دارایی و ئابووریی هەرێم رایگەیاند، بەهۆی راگەیاندنی پشووەکانی سەری ساڵی زاینی کە لە 2021/12/25 دەست پێدەکات تا 2022/1/1 دابەشکردنی مووچەی مانگی 12ی دەکەوێتە رێکەوتی 2022/1/2 و بە وەزارەتی تەندروستی دەستپێدەکات.

ئەمڕۆ پێنجشەممە 23ی کانوونی یەکەمی 2021 وەزارەتی دارایی و ئابووریی حکومەتی هەرێمی کوردستان لە روونکردنەوەیەکدا ئاماژەی بەوەکرد "بەهۆی راگەیاندنی پشووەکانی سەری ساڵی زاینی کە لە 2021/12/25 دەست پێدەکات تا 2022/1/1. دابەشکردنی مووچەی مانگی 12ی ساڵی 2021 دەکەوێتە رێکەوتی 2022/1/2".

باسی لەوەشکردووە "رۆژی دووی مانگی داهاتوو دابەشکردنی مووچە بە وەزارەتی تەندروستی دەستپێدەکات، بۆ رۆژانی دواتریش پەپێی خشتەی مووچە لە دابەشکردنی بەردەوام دەبن".

دوێنێ سه‌رچاوه‌یه‌كی ئاگادار له‌ ئه‌نجومه‌نی وه‌زیرانی هه‌رێمی كوردستان بە مەودا میدیای راگه‌یاند، 25ی ئه‌م مانگه‌ دابەشكردنی مووچەی مانگی 12ی 2021 دەستپێدەكات، مووچه‌ی چوار وه‌زاره‌ت دابه‌ش ده‌كرێت و وه‌زاره‌ته‌كانی دیكه‌ له‌ دوای سه‌ری ساڵ مووچه‌ به‌بێ لێبڕین وه‌رده‌گرن.

ر. ئ.