مەودا میدیا-

ئاسایشی شارەزوور رایگەیاند، لەمساڵدا 85 کەس لە ھەڵەبجە بەتۆمەتی بەکارھێنان و بازرگانیکردن بە مادە ھۆشبەرەکان لە ھەڵەبجە دەستگیرکراون.

بەڕێوەبەرایەتیی ئاسایشی شارەزوور ئاماری دەستگیرکردنی بەکارھێنەران و بازرگانانی مادەی ھۆشبەری بڵاوکردەوە لە راگەیەنراوێکدا ئاماژەی بەوەکردووە "لەسەرەتای ئەمساڵەوە تا 23ی 12ی 2021 ھێزەکانی بەڕیوەبەرایەتیی ئاسایشی شارەزوور لە ریگەی ھۆبەی مادە ھۆشەرەکانی بەڕێوەبەرایەتییانەوە، 85 تۆمەتبار بە ماددەکانی 30 و 26 لە یاسایی بەرەنگار بوونەوەی مادە ھۆشبەر و کارتێکەڵە عەقڵیەکان دەستگیرکراون".

لە راگەیەندراوەکەدا ئەوەش هاتووە، ھاوکات 98 دۆسیە کراوەتەوە و رەوانەی دادگاکراوە، ھەموو دەستگیرکراوەکانیش پێشوەختیش بڕیاری دادوەری لێکۆڵینەوەی ئاسایشی شارەزووریان ھەبووە.

ر. ئ.