مەودا میدیا-

بەڕێوەبەرایەتیی تەندروستیی چەمچەماڵ ئاشکرای کرد شەوی رابردوو گەنجێکی تەمەن 32 ساڵ لە ناحیەی شۆڕش بەهۆی بەرکەوتنی فیشەکەوە گیانی لەدەستداوە.

ئەمڕۆ یەکشەممە 26ی کانونی یەکەمی 2021 بەڕێوەبەرایەتیی تەندروستیی چەمچەماڵ رایگەیاند "بەپێی زانیارییەکانی سەنتەری فریاکەوتنی چەمچەماڵ ئەمشەویش تەرمی گەنجێکی تەمەن 32 ساڵ دانیشتوی ناحیەی شۆڕش گەیەندرایە سەنتەرەکە".

لە راگەیەندراوەکەدا ئاماژە بەوەشکراوە "ئەو گەنجە ئاسەواری فیشەک بەجەستەیەوە هەبووە دوای رێکارەکان تەرمەکەی رەوانەی پزیشکی دادی سلێمانی کرا".

س،ر