مەودا میدیا-

بەڕێوەبەرایەتیی هاتوچۆی سلێمانی رایده‌گه‌یه‌نێت ئه‌و شۆفێری ماتۆڕسکیلانەی كارى دیلیڤه‌ری ده‌كه‌ن، ‏پێویستە هۆکارەکانی سەلامەتی بەکاربهێنن و خۆیان به‌دوور بگرن لە رۆیشتن بە ‏پێچەوانەی شەقام و بێزارکردنی هاوڵاتییان.

لە راگەیەندراوەکەدا هاتووە "ئاگاداری شۆفێرانی ماتۆڕسکیل دەکه‌ین، بەتایبەت شۆفێری ‏ئەو ماتۆڕسکیلانەی کاری دیلیڤەری دەکەن، پێویستە پابەندی سەلامەتی بن و هۆکارەکانی ‏سەلامەتی لە دەستکێش و کڵاو و سەرئەژنۆ بەکاربهێنن ، خۆشیان به‌ دوور بگرن لە ‏رۆیشتن بە پێچەوانەی شەقام و بێزارکردنی هاوڵاتییان".

ئاماژە بەوەشکراوە "دەبێت خاوەنی مۆڵەتی لێخوڕینی ‏ماتۆڕسکیل بن، هەر شۆفێرێکی ماتۆڕسکیلیش مۆڵەتی لێخوڕینی نییە، بەزووترین کات ‏سەردانی بەڕێوەبەرایەتییه‌كه‌مان بکات بۆ دەرهێنانی مۆڵەتی شۆفێریی ماتۆڕسکیل، بە ‏پێچەوانەوە هەر شۆفێرێک پابەند نەبێت، دەستبەسەر ماتۆڕسکیلەکەیدا دەگیرێت و ‏رەوانەی گەراجی دەستبەسەراگرتن دەکرێت و تووندترین سزا دەدەرێت". ‏

هاتوچۆى سلێمانى داوا دەکات، هاوڵاتییان لە ئەگەری هەبوونی حاڵەتی لەو شێوەیە، ‏پەیوەندی بکەن بە ژمارە (100) سەنتەری ڕێکخستنی پەیوەندییەکان (‏JCC‏) یان ‏پەیوەندی بە ژمارە (188)ی کۆنترۆڵی هاتوچۆ بکەن، بەمەبەستی ناردنی مەفرەزە و ‏لێپێچینەوە لە شۆفێرانی سەرپێچیکار.‏

س،ر