مەودا میدیا-

سەرۆکایەتیی پەرلەمانی کوردستان رایگەیاند، بەگوێرەی مادەی حەوت و 18 له‌ په‌یڕه‌وی ناوخۆ، ده‌سته‌ی سه‌رۆكایه‌تیی په‌رله‌مان بڕیارى راگه‌یاندنی كۆتایی (خولی پایزه‌ى ساڵی سێیه‌م له‌ خولی هه‌ڵبژاردنی پێنجه‌می په‌رله‌مانی كوردستان)یدا.  

ئەمڕۆ هەینی سەرۆکایەتیی پەرلەمانی کوردستان لە راگەیەنراوێکدا ئاماژەی بەوەکرد "پاڵپشت به‌ حوكمى بڕگه‌ی (یه‌كه‌م)ى ماده‌ى (حەوت) و بڕگه‌ی (سێیه‌م)ى ماده‌ى (18) له‌ په‌یڕه‌وی ناوخۆی په‌رله‌مانى كوردستان-عیراق، ده‌سته‌ی سه‌رۆكایه‌تیی په‌رله‌مانى كوردستان بڕیارى راگه‌یاندنی كۆتایی (خولی پایزه‌ى ساڵی سێیه‌م له‌ خولی هه‌ڵبژاردنی پێنجه‌می په‌رله‌مانی كوردستان)یدا".  

بەگوێرەی مادەی حەوتەمی پەیڕەوی ناوخۆ، پەرلەمانی کوردستان لە ساڵێکدا دوو وەرزی گرێدانی هەیە. یەکەم: لە سەرەتای مانگی ئازارەوە دەستپێدەکات تاوەکو کۆتایی حوزەیران و بە (خولی بەهارە) ناو دەبرێت. دووەم: لە سەرەتای مانگی ئەیلول دەستپێدەکات، تاوەکو کۆتایی مانگی کانوونی یەکەم و بە (خولی پایزە)ە ناودەبرێت.

ر. ئ.