مەودا میدیا-

بە بۆنەی هاتنەوەی سەری ساڵی نوێوە هاوسەرۆکی پێشووتری پارتی دیموکراتی گەلان (هەدەپە) لە زیندانەوە پەیامی پیرۆزبایی بڵاوکردەوە و دەڵێت "ساڵێکی بێ تاڵانی و بێ ئاکەپە بۆ هەمووان دەخوازم".  

 

 سەڵاحەدین دەمیرتاش، هاوسەرۆکی پێشووتری پارتی دیموکراتی گەلان (هەدەپە) لە هەژماری تایبەتی خۆی لە تۆڕی کۆمەڵایەتیی تویتەر پەیامێکی بەبۆنەی ساڵی نوێ بڵاوکردەوە و تێیدا نووسیویەتی "درێژە بە قسەکردن نادەم، ساڵێکی بێ ستەم، بێ بەرزبوونەوەی نرخی کاڵاکان، بێ تاڵانی و بێ ئاکپارتی دەخوازم".

 

دەمیرتاش لە بەشێکی دیکەی پەیامەکەیدا دەڵێت "بەبێ ستەم، قۆرخکاری کاڵا و ئاکپارتی، ساڵێکی باش دەبێت دەی کەواتە ساڵێکی باشتان بۆ دەخوازم"، هەروەها بە هەردوو شیوە زاری کرمانجی و زازاکی نووسیویەتی "سەرساڵا وە پیرۆز بە- سەرسەرێیێ شما بیمبارەک بۆ". 

دەمیرتاش لە چواری تشرینی دووەمی ساڵی 2016 بە تۆمەتی پاڵپشتیکردن لە "تیرۆر" دەستگیرکرا و سەرەڕای دوو بڕیاری دادگەی مافەکانی مرۆڤی ئەوروپا بۆ ئازادکردنی، هێشتا ئازادنەکراوە. 

ر. ئ.