مەودا میدیا-

بەڕێوەبەری سەرچاوە ئاوییەکانی بەسرە رایگەیاند، لە ئیستاوە ئامادەکاری تەواویانکردووە بۆ ئەگەری دروستبوونی لافاو لە چەند رۆژی داهاتوودا. 

ئەمڕۆ شەممە یەکی کانوونی دووەمی 2022 جومعە شەیاع، بەڕێوەبەری بەڕێوەبەرایەتیی سەرچاوە ئاوییەکانی بەسرە بە ئاژانسی "واع"ی عیراقی راگەیاندووە "بەهۆی زۆری رێژەی باران بارین پێشبینی دەکرێت لە چەند رۆژی داهاتوودا لافاو دروستبێت".

باسی لەوەشکردووە "وەک ئامادکارییەکیش بۆ رووبەڕووبوونەوە و کەمکردنەوەی ئەو رووداوە سروشتییە سەرجەم لایەنە پەیوەندیدارەکان کەوتوونەتە حاڵەتی ئامادەباشییەوە ".

ئەوەشی خستووەتەڕوو"لەئەگەری دروستبوونی لافاویش دۆخەکە بە تەواوی کۆنترۆڵ دەکرێت و هیچ مەترسییەک لەسەر ژیانی دانیشتوانی پارێزگاکە دروست ناکات ".

ر. ئ.