مەودا میدیا-

ئەندامێكی ئەنجومەنی نوێنەرانی عیراق رایدەگەیەنێت مووچەی پەرلەمانتاران كراوە بە سیستمی نوێ و كەمكراوەتەوە.

رێبوار هادی، ئەندامی ئەنجومەنی نوێنەرانی عیراق بە مەودا میدیای راگەیاند "مووچەی ئەندامانی ئەنجومەنی نوێنەرانی عیراق كراوە بە سیستمی نوێ و كەمكراوەتەوەو بەڕێژەی بەرچاو".

ئەوەشی خستەڕوو "پێش ئەوەی مووچەی ئەندامانى ئەنجومەنی نوێنەرانی عیراق كەمبكرێتەوە مانگانە زیاتر لە 8 ملیۆن دینارم وەردەگرت بەڵام ئەم مانگە كە مووچەم وەرگرت كۆی پارەكە 5 ملیۆن و 200 هەزار دینار بووە".

هەروەها وتی "كەمكردنەوەی مووچەی ئەندامانی ئەنجومەنی نوێنەرانی عیراق لەكاتێكدایە كە عادل عەبدولمەهدی، سەرۆك وەزیرانی پێشووی عیراق لە پرۆژە چاكسازییەكەیدا بڕیاری كەمكردنەوەی مووچەی پلە باڵاكانیدا".