کوردستانی
لە هێرشێکی تورکیا بۆسەر کۆبانێ 12 کەس برینداربوون
مەودا میدیا - سلێمانی |
مەودا میدیا-
خۆبەڕێوەبەری باکوور و رۆژهەڵاتی سوریا رایگەیاند، هێرشەکانی تورکیا بۆسەر ناوچە سنووریەکان دژایەتییەکی ئاشکرای هاوپەیمانی نێودەوڵەتی و روسیایە.
خۆبەڕێوەبەری باکوور و رۆژهەڵاتی سوریا رایگەیاند، هێرشەکانی تورکیا بۆسەر ناوچە سنووریەکان دژایەتییەکی ئاشکرای هاوپەیمانی نێودەوڵەتی و روسیایە.
لە راگەیەندراوێکدا خۆبەڕێوەبەری باکوور و رۆژهەڵاتی سوریا لەبارەی هێرشەکانی تورکیا و گروپەکانی نزیک لە تورکیا بۆسەر کۆبانێ و گوندەکانی دەوورووبەری ئاماژەی بەوەکرد "رۆژی هەشتی کانوونی دووەم، دەوڵەتی تورکیا کۆبانێ و گوندەکانی کردە ئامانج و 12 کەس بە ژن و منداڵەوە برینداربوون و هاوڵاتییەکیش شەهید بوو".
ئەوەشی خستووتەڕوو "ئەم هێرشە پەیامێکی ئاشکرای داگیرکاریی تورکیایە کە بە هەموو شێوەکانییەوە لە شەڕ و کۆمەڵکوژیی دژی گەلەکەمان بەردەوامە هەروەها دژایەتییەکی ئاشکرای هاوپەیمانی نێودەوڵەتی و روسیایە".
باسی لەوەشکردووە "هەرچەندە لە نێوان هاوپەیمانی نێودەوڵەتی، روسیا و تورکیا سەبارەت بە باکوور و رۆژهەڵاتی سوریا بە تایبەتی لەسەر سنوور رێککەوتن هەیە، ئەو هێزانە دەبێت هەڵوێستی روون و ئاشکرایان هەبێت بەرانبەر بەو هێرشانە ئەگەر هەڵوێست وەرنەگرن ئەوا دەبنە هاوبەشی تورکیا".
ر. ئ.