مەودا میدیا-

 رێکخراوەکانی مافی مرۆڤ لە رۆژهەڵاتی کوردستان بڵاویانکردەوە، دوێنێ پێنجشەممە لەکاتی هەوڵدان بۆ گەیشتن بە وڵاتانی ئەوروپا، ژن و پیاوێکی خەڵکی شاری مەریوان، لە رۆژهەڵاتی کوردستان خنکاون.

بە پێی ئەو زانیاریانەی رێکخراوەکان بڵاویانکردووەتەوە "جەلیل رەوانگەردی تەمەن 34 ساڵ و سومەیە جامخانەی تەمەن 28 ساڵ" لە نزیک دورگەی سیریسی لە یۆنان خنکاون، ئەوەش دوای ئەوەی هەوڵیاندابوو، ئەو رێگەیە بۆ گەیشتن بە ئەوروپا تاقیبکەنەوە.

بەپێی زانیارییەکان کە کەسوکاری ئەو ژن و پیاوە بە رێکخراوەکانیانداوە، هۆکاری خنکانەکەیان ئەوە بووە، کە شارەزای جوگرافیای ناوچەکە نەبوون و ژنەکە لەسەرەتادا کەوتووەتە ناو ئاوی رووبارێک، پاشان هاوسەرەکەشی لە هەوڵی رزگارکردنیدا خنکاوە.

جەلیل و سومەیە، لە کۆتاییەکانی ساڵی رابردوو، شاری مەریوانیان بەرەو تورکیا بەجێهێشتووە و لەو نزیکانەش لە تورکیاوە بەرەو یۆنان رۆشتوون.

ر. ئ.