مەودا میدیا-

نوێنەری حکومەتی هەرێم لە بەغدا وادەی ناردنی (200) ملیارەکە بۆ هەرێمی کوردستان ئاشکرا کرد و دەڵێت "بڕیارە ئەم هەفتەیە 200 ملیار دینارەکە بگاتە هەرێم" .

ئەمڕۆ شەممە 15ی کانوونی دووەمی 2022 فارس عیسا، نوێنەرى حكومەتی هەرێمی کوردستان لە لێدوانێکدا رایگەیاند "رێكارەكانی ناردنی 200 ملیار دینارەكە بۆ مووچەی مانگی (12)ی ساڵی رابردوو لە تەواوبووندایە و بڕیارە ئەم هەفتەیە (200) ملیار دینارەكەی بەغدا بگاتە هەرێمی کوردستان".

ئەوە لە کاتێکدایە رۆژی چوار شەممەی رابردوو جوتیار عادل، وتەبێژی حكومەتی هەرێمى کوردستان  رایگەیاند "حكومەتی عیراق رەزامەندی لەسەر ناردنی (200) ملیار دینارەكە داوە و هەر كات پارەكە گەیشت مووچەی سەرجەم فەرمانبەران دابەش دەكرێت".

ر. ئ.