مەودا میدیا-

 بەڕێوەبەرایەتیی هاتوچۆی سلێمانی هاوڵاتییان ئاگاداردەکاتەوە سەردانی ناوچە شاخاوییەکان بەتایبەت چیای ئەزمەڕ و گۆیژە نەکەن، چونکە بەهۆی بارینی بەفرێکی زۆرەوە ئاستەنگی هاتوچۆ دروستبووە.

بەڕێوەبەرایەتیی ھاتوچۆی سلێمانی داوا لە شۆفێران و ھاوڵاتییان دەکات سەردانی ناوچە شاخاوییەکان بەتایبەت (ئەزمەڕ و گۆیژە) نەکەن بەھۆی بارینی بەفرێکی زۆرەوە، لەبەر ئەوەی لە ئێستادا ئاستەنگی ھاتوچۆ دروست بووە لەو ناوچانەدا.

ماوەی چەند رۆژێکە شەپۆلێکی بەفر و باران و سەرما ناوچە جیاجیاکانی هەرێمی کوردستانی گرتووەتەوە لە ئێوارەی ئەمڕۆشەوە بەفر بارین لە سەنتەری شاری سلێمانی دەستیپێکردووە و تا ساتی ئامادەکردنی ئەم هەواڵە بەردەوامە.

ر. ئ.