مەودا میدیا-

پارێزگای هەولێر سبەینێی کردە پشووی فەرمی لەسەرجەم ناوەندەکانی خوێندن لە سنووری پارێزگاکە (زانکۆ، پەیمانگا، قوتابخانە حکومى و ئەهلییەکان)، بەڵام پشووەکە ئیدارەی سەربەخۆی سۆران ناگرێتەوە.

لە راگەیەندراوێکدا کە نووسینگەی ئومێد خۆشناو، پاریزگاری هەولێر بڵاویکردووەتەوە هاتووە، بەهۆى پێشبینییەکانى کەشناسى و گۆڕانى کەشوهەوا و دابەزینى پلەى گەرمى، دواى گفتوگۆ و راگۆڕینەوەى  پارێزگارى هەولێر لەگەڵ سەرۆکی دیوانی ئەنجومەنی وەزیران، وەزیرى خوێندنى باڵا و وەزیرى پەروردە گەیشتنە ئەم بڕیارانەى لاى خوارەوە:-

یەکەم/ بەیانى رۆژى پێنجشەممە 2022.1.20، لەسەرجەم ناوەندەکانى خوێندن (زانکۆ، پەیمانگا، قوتابخانە حکومى و ئەهلییەکان) پشووى فەرمى دەبێت.

دووەم/ له‌به‌ر ئه‌وه‌ى وەزارەتى دارایی لە پڕۆسەى دابەشکردنى مووچەدایە، لە سەرجەم فەرمانگە و دامەزراوە حکومییەکان پشوو نابێت و دەوامى فەرمییە.

سێیەم/ ئه‌م بڕیارانە سنوورى ئیدارەى سەربەخۆى سۆران ناگرێتەوە.

ر. ئ.