مەودا میدیا-

جێگری سەرۆكی حكومەتی هەرێمی کوردستان لەگەڵ نێردەی تایبەتی نەتەوە یەكگرتووەكان كۆبووەوە و پرسە سیاسییەكان و پێكهێنانی حكومەتی نوێیان لە عیراق تاوتوێكرد.

قوباد تاڵەبانی، جێگری سەرۆكی ئەنجومەنی وەزیرانی هەرێمی كوردستان ئەمڕۆ لە هەولێر لەگەڵ جێنین پلاسخارت، نێردەی تایبەتی سكرتێری گشتیی نەتەوە یەكگرتووەكان بۆ عیراق كۆبووەوە.

دوابەدوای كۆبوونەوەكە قوباد تاڵەبانی نووسینێكی بڵاوكردەوە و تیایدا دەڵێت "پلاسخارت ھە‌میشە‌ رۆڵێكی میانڕە‌و و گرنگی بینیوە‌ لە‌ نزیككردنە‌وە‌ی بۆچوونە‌ جیاوازە‌كانی لایە‌نە‌ سیاسییە‌كان لە‌ عیراق، ئە‌وە‌ش‌ جێی تە‌قدیر و بە‌رزنرخاندنە".

ئاماژەی بەوەشکرد "پێكە‌وە‌ جە‌ختمان لە‌سە‌ر گرنگیی یە‌كخستنی ماڵی شیعی و لایە‌نە‌ سیاسییە‌ سونییە‌كان و یە‌كدە‌نگی لایە‌نە‌ كوردستانییە‌كان لە‌ بە‌غداد كردە‌وە‌، لە‌پێناو پێكھێنانی حكومە‌تێكی خزمە‌تگوزار و بە‌رجە‌ستە‌كردنی سیاسە‌تی حوكمی رە‌شید كە‌ ڕە‌‌زامە‌ندی ھە‌مووانی لە‌سە‌ر بێت".

ر. ئ.