مەودا میدیا-

بەڕێوەبەرایەتیی گشتیی ئاو و ئاوەڕۆ لە وەزارەتی شارەوانیی حکومەتی هەرێمی کوردستان ماوەی لێخۆشبوون لە قەرزی کرێی ئاو، دیاری دەکات.

بەپێی راگەیەندراوێکی وەزارەتی شارەوانی بەڕێوەبەرایەتیی گشتیی ئاو و ئاوەڕۆ بڕیاری داوە لێخۆشبوون لە قەرزی کرێی ئاو تا رۆژی 28-2-2022 بەردەوام بێت و هەموو بەڕێوەبەرایەتییەکانی ئاو ئاسانکاری بۆ سوودمەندبوونی هاوڵاتییان لە بڕیارەکە دەکەن.

ئاماژە بەوەشکراوە "لە کۆبوونەوەی ئەنجومەنی وەزیرانی هەرێمی کوردستان لەسەر پێشنیازی ساسان عەونی، وەزیری شارەوانی، بڕیاری لێخۆشبوونی ڕێژەی 15%ی قەرزی كرێی ئاو درا".

ئاری ئەحمەد، بەڕێوەبەری گشتیی ئاو و ئاوەڕۆ داوای لە هاوڵاتییان و هاوبەشانی ئاو لە هەموو سێكتەرەكانی نیشتەجێبوون، بارزگانی و پیشەسازی و هەموو ئەوانەی قەرزی ئاویان لایە کردووە، سەردانی بەڕێوەبەرایەتییەكانی ئاو بكەن.

س.ر