مەودا میدیا-

بەڕێوەبەرایەتیی کەشناسی و بوومەلەرزەزانی هەرێمی کوردستان پێشبینییەکانی کەشوهەوای بۆ ئەمشەو و سبەینێ هەینی بڵاوکردەوە.

لە راگەیەندراوەکەدا هاتووە "ئه‌مڕۆ دوای ئه‌وه‌ى شه‌پۆلى به‌فر بارين زۆربه‌ى ناوچه‌كانى هه‌رێمى گرته‌وه‌ (ناوچه‌ شاخاویيه‌كان و سه‌نته‌رى شاره‌كان) وله‌ ئێواره‌و شه‌پۆله‌كه‌ ڕاوه‌ستاوه‌ ته‌نها له‌ ناوچه‌كانى راپه‌ڕين و شارى سلێمانى نه‌بێت و له‌دواى نيوه‌شه‌و شه‌پۆله‌كه‌ له‌ هه‌موو ناوچه‌كان به‌ يه‌كجارى كۆتايى دێت".

ئاماژە بەوەشکراوە "سبه‌ینێ هه‌ينى به‌هۆى هاتنى به‌رزه‌ په‌ستانێك بۆ سه‌ر ناوچه‌كه‌مان پێشبينى ده‌كرێت كه‌شوهه‌وا جێگير بێت بۆ ماوه‌ى سێ رۆژ و ئاسمان ساماڵ و په‌ڵه‌هه‌ور ده‌بێت، به‌ڵام كه‌ش زۆر سارد  ده‌بێت و ته‌م و مژ له‌ هه‌ندێك ناوچه‌ دروست ده‌بێت به‌ تايبه‌ت له‌ ناوچه‌ شاخاویيه‌كان و مه‌ودای بينين كه‌م ده‌بێته‌وه‌ و پله‌كانى گه‌رما زياتر نزم ده‌بنه‌وه‌ و شه‌خته‌ و به‌ستن و به‌سته‌ڵه‌ك دروست ده‌بێت و خليسکان رووده‌دات، بۆيه‌ باشتر وايه‌ به‌ ئاگاداريه‌وه‌ هاتوچۆ بكرێت له‌سه‌ر رێگە و شه‌قامه‌كانى ناوه‌ و ده‌ره‌وه‌ى شاره‌كان".

س،ر