مەودا میدیا-

نرخی نەوتی خاو ئەم شەو بەرزترین ئاستی تۆمارکرد، لە ماوەی حەوت ساڵی رابردوودا نەگەیشتووەتە ئەونرخە کە 90 دۆلار و پێنج سەنتە بۆ هەربەرمیلێک.

بە پێی پێگەی (oil price) ئەمڕۆ چوارشەممە نرخی نەوتی خاو لە بازاڕەكاندا بەرزبووەوە و گەیشتە 90 دۆلار و پێنج سەنت بۆ هەر بەرمیلێك، بەرزبوونەوەكە بەهۆی زیادبوونی مەترسییەكانی پەیوەندیدار بە ئۆكرانیا و ئەگەرەكانی هێرشی روسیاوەیە بۆسەر ئەو وڵاتە، جگەلەوەی بەپێی راپۆرتی پەیمانگای نەوتی ئەمەریكی، یەدەگی خاوی ویلایەتە یەكگرتووەكان كەمیكردووە.

لە دەوروبەری كاتژمێر 14:45 بە كاتی گرێنچ نرخی نەوتی خاوی برێنت گەیشتە 89.78 دۆلار بۆ هەر بەرمیلێك، بە زیادبوون بە بڕی 1.79%، بە چەند خولەكێك پاش گەیشتنی بە 90.02 دۆلار ئەمەش بەرزترین ئاستە لەدوای تشرینی یەكەمی 2014ەوە.

جۆ بایدن، سەرۆكی ئەمەریكا رۆژی سێشەممە رایگەیاند، تاوتوێی سەپاندنی سزا بەسەر ڤلادیمێر پوتین، سەرۆكی روسیادا دەكات ئەگەر مۆسكۆ ئۆكرانیا داگیربكات.

ر. ئ.