مەودا میدیا-

بەڕێوەبەرایەتیی هاتوچۆی سلێمانی ئاگاداریی هاوڵاتییان دەکاتەوە لە بەربەستکردنی بەشێک رێگە بەهۆی بارینی بەفر و باران و خراپی کەشوهەواوە.

لە راگەیەندراوەکەدا هاتووە "بەڕێوەبەرایەتی هاتوچۆی سلێمانی ئاگاداری شۆفێران دەکات کە بەهۆی بارینی بەفر و لەبارنەوە بوونی کەش و هەوا ئەم رێگایە بەربەست کراوە لەلایەن بەڕێوەبەرایەتی هاتوچۆی سلێمانییەوە ئەویش (لە دامێنی چیایی گۆیژە و ئەزمڕ بەرەو سەرەوە واتە بەرەو ناوچە شاخاویەکان بەربەست کراوە) لە بەر سەلامەتی شۆفێران  بەفربارین و گریمانەی  هەڵخلیسکان و هەڵدێران دروست دەبێت".

ئاماژە بەوەشکراوە "سەرجەم شەقامەکانی ناوشار تا ئەندازەیەکی بەرچاو گرفتی تێدانیە و هاتوچۆ تێدا ئاساییە  بەڵام بەهۆی تەڕبونی شەقامەکان داوا لە شۆفێرانی بەڕێز دەکەین  پابەندبن بە خێرایە یاساییەکان و ماوەی سەلامەتی نێوانیان  بپاریزن".

لە حاڵەتی پێویستدا دەتوانن پەیوەندی بکەن بە: 

ژمارە 100 سەنتەری هەماهەنگی هاوبەش / پارێزگای سلێمانی P.JCC

ژمارە 188 کۆنترۆڵی هاتوچۆ 

ژمارە 115 بەرگری شارستانی

ژمارە 122 فریاگوزاری تەندروستی.

س،ر