مەودا میدیا- رێبین ئەشرەف

بە پێی زانیارییەکانی مەودا میدیا بەھۆی لێچوونی سۆپای غازەوە، سێ ھاوڵاتی لە شاری سلێمانی گیانیان لەدەستدا.

لە گەڕەکی خەباتی شاری سلێمانی، سێ ھاوڵاتی کە ئەندامی یەک خێزانن و لە دایکێک و دوو منداڵ پێکھاتوون، بەھۆی لێچوونی سۆپای غازەی ماڵەکەیانەوە گیانیان لەدەستداوە، سامان نادر، بەڕێوەبەری سەنتەری فریاکەوتنی سلێمانی هەواڵەکەی بۆ مەودا میدیا پشتراستکردەوە و رایگەیاند "ئەو هەواڵە راستە، بەڵام جارێ وردەکاریمان لەبەردەستدا نییە".

هەر بەپێی زانیارییەکانی مەودا میدیا خێزانەکە کوردن و لەئێستادا لەلایەن پۆلیس و بەرگریی شارستانییەوە  لێکۆڵینەوە لە رووداوەکە دەکرێت.

لە ماوەی رابردوودا چەند حاڵەتێکی دیکەی هاوشێوە لە هەرێمی کوردستان روویداوە و دیارترینیشیان رووداوەکەی سنووری پارێزگای دهۆک بوو کە تێیدا بەهۆی دوکەڵی خەڵوزەوە چەند ئەندامێکی خێزانێک گیانیان لەدەستدا.

ر. ئ.