مەودا میدیا-

سەرۆکی پارتی دیموکراتی کوردستان لە پەیامێکدا دەڵێت "لەپێناو چارەسەری گیروگرفتەكان و رەخساندنی كەشێكی گونجاو و باش بۆ پڕۆسەی سیاسیی عیراق، دەستپێشخەرییەكی سیاسیم خستووەتەڕوو".

مه‌سعود بارزانی، سه‌رۆكی پارتی دیموكراتی كوردستان پەیامێکی بڵاوکردەوە کە تێیدا رایگه‌یاندووە "لەپێناو چارەسەری گیروگرفتەكان و رەخساندنی كەشێكی گونجاو و باش بۆ پڕۆسەی سیاسیی عیراق، دەستپێشخەرییەكی سیاسیم خستووەتەڕوو، لە چوارچێوەی ئەم دەستپێشخەرییەدا پێشنیازم كردووە بەڕێزان نێچیرڤان بارزانی و محەمەد حەلبوسی سەردانی سەماحەتی سەید موقتەدا سەدر بكەن و لەسەر چۆنییەتیی بەردەوامبوونی پڕۆسەی سیاسی و نەهێشتنی كۆسپ و گرفتەكان راوێژ بكەن".

لە کۆتایی پەیامەکشیدا ئاماژەی بەوەکردووە "هیوادارم ئەم دەستپێشخەرییە ئەنجامی ئیجابی هەبێت و لە بەرژەوەندیی عیراق و هەموو پێكهاتەكانیدا بێت".

دەقی پەیامەکەی مەسعود بارزانی
 
بەناوی خودای بەخشندە و میهرەبان
 
لەپێناو چارەسەری گیروگرفتەكان و ڕەخساندنی كەشێكی گونجاو و باش بۆ پڕۆسەی سیاسیی عێراق، دەستپێشخەرییەكی سیاسیم خستووەتەڕوو. لە چوارچێوەی ئەم دەستپێشخەرییەدا پێشنیارم كردووە بەڕێزان نێچیرڤان بارزانی و محەمەد حەلبووسی سەردانی سەماحەتی سەید موقتەدا سەدر بكەن و، لەسەر چۆنیەتیی بەردەوامبوونی پڕۆسەی سیاسی و نەهێشتنی كۆسپ و گرفتەكان ڕاوێژ بكەن.
 
هیوادارم ئەم دەستپێشخەرییە ئەنجامی ئیجابی هەبێت و لە بەرژەوەندیی عێراق و هەموو پێكهاتەكانیدا بێت.
مسعود بارزانی
31ـی كانوونی دووەمی 2022

ر. ئ.