مەودا میدیا-

میدیا عیراقییەکان بڵاویانکردەوە، جارێکی دیکە بە مووشەک هێرشکرایە سەر فڕۆکەخانەی نێودەوڵەتیی بەغدا، بەڵام زیانەکان نەزانراون.

سەرچاوەیەکی ئەمنی بە میدیا عیراقییەکانی راگەیاندووە، کاتژمێر 5:00ی بەرەبەیانی ئەمڕۆ پێنج مووشەک لە جۆری کاتیۆشا ئاراستەی فڕۆکەخانەی نێودەوڵەتیی بەغدا کراوە.

سەرچاوەکە باسی لەوەشکردووە، تائێستا قەبارەی زیانەکان نەزانراوە و هیچ لایەنێکی فەرمی راگەیەنراوی لەبارەی رووداوەکەوە بڵاونەکردووەتەوە.

ر. ئ.