مەودا میدیا-

راوێژكاری ئاسایشی نیشتمانیی عیراق به‌رانبه‌ر كوشتنی سه‌رۆكی رێكخراوی تیرۆریستی داعش رایگه‌یاند ئیتر هیچ شوێنێک بۆ تیرۆر نه‌ماوه‌ باس لەوەش دەکات كه‌ ئه‌مه‌ سه‌ركه‌وتنی ئیڕاده‌ی خێره‌ به‌رانبه‌ر خراپه‌.

قاسم ئه‌عره‌جی، راوێژكاری ئاسایشی نیشتمانیی عیراق له‌ تویتێكدا رایگه‌یاندووە "كوشتنی سه‌رۆكی تیرۆریستانی داعش (عه‌بدوڵڵا قه‌رداش) نیشانه‌ی سه‌ركه‌وتنی ئیراده‌ی خێره‌ به‌رانبه‌ر خراپه‌ به‌رانبه‌ر ئه‌و كه‌سه‌ی هه‌ڕه‌شه‌ له‌ ئاشتی هه‌موو جیهان ده‌كرد".

دەشڵێت "ئێمه‌ پیرۆزبایی لە هەموو ئەو هەوڵانە دەکەین کە بەشدارییان لەم دەستکەوتە ئەمنییە مه‌زنه‌‌یان کردووە".

قاسم ئه‌عره‌جی ئاماژەی بەوەش کردووە "ئیتر هیچ شوێنێک بۆ تیرۆر نه‌ماوه‌، له‌ كۆتاییشدا هه‌ر چاکە بە به‌رزی ده‌مێنێته‌وه‌".

ک. ر.