مەودا میدیا-

وەزارەتی شارەوانیی حكومتی هەرێمی کوردستان بەخشین و گواستنەوەی سەرۆکی ئێستای ‏شارەوانیی سلێمانی راگەیاند و سەرۆکی نوێی شارەوانییەكەی دیاریکرد.

لە نووسراوێکدا کە واژۆی ساسان عەونی، وەزیری شارەوانیی هەرێمی كوردستانی ‏لەسەرە هاتووە، ئاماژە بە فەرمانی سەرۆکایەتیی ئەنجومەنی وەزیران، بڕیاردراوە بە "بەخشینی ‏توانا کەمال، سەرۆکی ئێستای شارەوانیی سلێمانی لە پۆستەکەی، گواستنەوەی بۆسەر ‏میلاکی سەرۆکایەتیی ئەنجومەنی وەزیران/ نووسینگەی جێگری سەرۆک وەزیران". ‏

ئەوەش خراوەتەڕوو، لەیلا عومەر عەلی لەسەر میلاکی وەزارەتی ناوخۆ دەچێتە ‏سەر میلاکی وەزارەتی شارەوانی و پۆستی سەرۆکی شارەوانیی سلێمانی وەردەگرێت.‏

ر. ئ.