مەودا میدیا-

بە بڕیاری وەزیری دارایی و ئابووریی حکومەتی هەرێمی کوردستان ئەمڕۆ سێشەممە ئاڵوگۆڕ لە پۆستى بەڕێوەبەری گشتیی ژمێرکاری وەزارەتى داراییدا کرا.

ئەمڕۆ سێشەممە 8ی شوباتی 2022 ئاوات جەناب نوری، وەزیری دارایی و ئابووریی حکومەتی هەرێم بە یاوەری یاسین عبدالواحد، بەڕێوەبەری گشتیی دیوان، لە مەراسیمێکدا لە هۆڵی بەڕێوبەرایەتیی گشتیی ژمێرکاری، محەمەد عەبدولقادر ئەحمەد، وەک بەڕێوەبەری گشتی ژمێرکاری دەستبەکاربوو.

لە مەراسیمەکەدا، وەزیرى دارایى رایگەیاند "مەریەم عوسمان باپیر، بەڕێوەبەری پێشوو وەکو راوێژکار لە دیوانی وەزارەتی دارایی و ئابووری درێژە بەخزمەتکردن دەدات.

ئەمەش لەکاتێکدایە، لە کۆتایی مانگی کانونی دووەمی 2022دا له‌سه‌ر دواخستنی مووچه‌ی فه‌رمانبه‌ران و خانه‌نشیان وه‌زیری دارایی هه‌رێم بڕیاریدا به‌راگرتنی سه‌رجه‌م ده‌سه‌ڵاتی "خه‌رجكردن" لە بەرێوەبەری بانکی هەرێم لە سلێمانی بەشێوەکی کاتی و بەڕێوەبردنی کارەکان لەلایەن جێگری بەڕێوەبەری بانکی هەرێم.

س،ر