مەودا میدیا-

سەبارەت بە کێڵگەی کۆرمۆر کۆمپانیای دانە غاز نهێنییەکی گەورە ئاشکرا دەکات و دەڵێت "کێڵگەکە توانای دابینکردنی غازی هەرێم، عیراق، تورکیا و تەنانەت ئەوروپاشی هەیە".

لە لێدوانێکدا بۆ ئێس پی گڵۆباڵ پاتریك ئه‌لمان، به‌ڕێوه‌به‌ری كۆمپانیای دانه‌ غاز رایگەیاندووە، لەئێستادا کێڵگەی کۆرمۆر توانای به‌رهه‌مهێنانی 452 پێ سێجا غازیان هه‌یه‌ و له‌ ساڵی 2023 ده‌توانن 250 ملیۆن پێ سێجا غازی دیکە به‌رهه‌مبهێنن و له‌ ساڵی 2025 ده‌توانن 250 پێ سێجای دیکە زیاد بكه‌ن واته‌ تا ساڵی 2025 به‌رهه‌مهێنانی غاز بگاته‌ دوو هێنده‌.

"به‌یه‌كگرتنی بۆری غازی كۆرمۆر له‌گه‌ڵ غازی هه‌ولێر و دهۆك ده‌توانن به‌رهه‌مهێنانیان بۆ دوو هێنده‌ زیاد بكه‌ن و تا ساڵی 2025 ده‌توانن ئه‌وه‌نده‌ غاز به‌رهه‌م بهێنن حكومه‌ت به‌ده‌ره‌وه‌ی هه‌رێمی بفرۆشێت یان بیكاته‌ كاره‌با و كاره‌باكه‌ بفرۆشێت" به‌ڕێوه‌به‌ری كۆمپانیای دانه‌ غاز وا دەڵێت .

ئاماژەی بەوەشکردووە "بۆری غاز له‌ توركیا تا سه‌ر سنوور هاتووه‌ و به‌ته‌واوكردنی ئه‌و بۆریه‌ی نێوان هه‌ولێر و كۆرمۆر ده‌توانرێت غاز هه‌نارده‌بكرێت چونكه‌ كێڵگه‌كه‌ نه‌ك بۆ عیراق و كوردستان به‌ڵكو له‌توانایدایه‌ غاز بۆ توركیا و ئه‌وروپاش دابین بكات".

ر. ئ.