مەودا میدیا-

وتەبێژی هێزە چەكدارەكانی عیراق رایدەگەیەنێت ئەوان نیازیان نییە دوای پێكهێنانی كابینەی نوێی حكومەتی عیراق كۆتایی بە خۆپیشندانی هاوڵاتیان بهێنن.

عەبدولكەریم خەڵەف، وتەبێژی هێزە چەكدارەكانی عیراق رایگەیاند "نیازی ئەوەمان نییە كە كۆتایی بە خۆپیشاندانی هاوڵاتیان بهێنین، پێمان وایە خۆپیشاندان مافی هاوڵاتیانە و داوای خزمەتگوزاری دەكەن".

ئەوەشی خستەڕوو "لە دوای پێكهێنانی كابینەی نوێی حكومەتیش كە لە چەند رۆژی داهاتوو لە ئەنجومەنی نوێنەرانی عیراق متمانەی پێ دەدرێت كۆتایی بە خۆپیشاندانی خۆپیشاندەران ناهێنین و ئەوان لەسەر شەقام دەمێنەوە".

ماوەی زیاتر لە 3 مانگە هاوڵاتی بەشێكی زۆر لە شارەكانی عیراق دەستیان بە خۆپیشاندان كردووە و رژاونەتە سەر شەقام و تا ئێستاش بە هەزار خۆپیشاندەر كوژراو برینداربوون.