مەودا میدیا-

سبەینێ دووشەممە وه‌زاره‌تى دارایی و ئابووریی حكوومه‌تى هه‌رێمى كوردستان، مووچه‌ى مانگى یه‌كى وه‌زاره‌تى كشتوكاڵ و سه‌رچاوه‌كانى ئاو دابه‌ش ده‌كات.

بەپێی وتەی سەرچاوەیەکی تایبەت بە مەودا میدیا لە وەزارەتی دارایی ئابووریی حکومەتی هەرێمی کوردستان، سبەینێ دووشەممە 14ی شوباتی 2022 مووچەی مانگی یەكی وەزارەتی كشتوكاڵ و سەرچاوەكانی ئاو دابەش دەكرێت.

دابەشکردنی مووچەی مانگی یەک بە وەزارەتی تەندروستی دەستیپێکرد و پرۆسەکە زۆر بە خاوی بەڕێوەدەچێت و تائێستا بەردەوامە. 

لە هەرێمی کوردستاندا یەک ملیۆن و 251 هەزار و 451 مووچەخۆر هەن، کە 751 هەزار و 805 کەسیان فەرمانبەری سەربازی و شارستانین، 242 هەزار و 269 کەسیان خانەنشینن، حکومەت بۆ پێدانی مووچە بێ لێبڕین مانگانە 895 ملیار دیناری پێویستە، کە ساڵانە 10 تریلیۆن و 740 ملیار دینار دەکات.

ر. ئ.