مەودا میدیا-

به‌ڕێوه‌به‌رایه‌تیی گشتیی هاتوچۆی عیراق ئاشکرای کرد کە بەکارهێنانی مۆبایل لەکاتی شۆفێریدا سزای سەرپێچییەکەی بڕی 100 هەزار دیناری عیراقی دەبێت.

عەقید یاس خزر موتڵەک، به‌ڕێوه‌به‌ری به‌شی راگه‌یاندن و په‌یوه‌ندیه‌كانی به‌ڕێوه‌به‌رایه‌تی گشتی هاتوچۆی عیراق رایگەیاند "بەپێی یاسای هاتوچۆی ژمارەی 8ی ساڵی 2019 غه‌رامه‌ی بۆ به‌كارهێنانی مۆبایل داناوه‌ له‌كاتی شۆفێریكردندا به‌ بڕی 100 هه‌زار دینار هەر شۆفێرێک سەرپێچی بکات ئەو سزایە دەدرێت".

ئاماژە بەوەشکراوە "ئەگەر بەکارهێنانی مۆبایل لەکاتی شۆفێری بووە مەترسی بۆسەر ژیانی کەسانی دەوروبەر ئەوا غەرامەکەی 200 هەزار دیناری عیراقی دەبێت بەپێی یاسای بەڕێوەبەرایەتیی هاتوچۆی عیراق".

س،ر