مەودا میدیا-

رێبەری رەوتی سەدر لە تویتێکدا رایگەیاند، پێویستە پەرلەمان رۆڵی چالاکیی خۆی دەستپێبکات و رێگە لە هەموو دەستوەردانێکی حزبی و سیاسیی دەسەڵاتی دادوەری بگرێت.

ئەمڕۆ سێشەممە موقتەدا سەدر، رێبەری رەوتی سەدر پەیامێكی لە تۆڕی کۆمەڵایەتیی تویتەر بڵاوكردەوە و تێیدا داوادەكات، هەردوو رۆڵی چاودێری و یاسادانانی ئەنجومەنی نوێنەران كارابكرێن، لەگەڵ كاراكردنی رۆڵی چاكسازییانەی ئەنجومەنەكە و خێرا پێكهێنانی حكومەت و لێپرسینەوە لە گەندەڵكاران.

لە بەشێكی دیکەی تویتەكەیدا سەدر داوادەكات پەلەبكرێت لە پێكهێنانی حكومەتی نوێی چاكسازیخواز و حكومەتێكی زۆرینەی نیشتمانی و دوور لە پشک پشکێنە. 

ر. ئ.