مەودا میدیا- سازگار ئەحمەد

نانی جۆ خۆراکێکی پڕ وزەیە و چەندین سوودی گرنگی هەیە بە تایبەت لە رێکخستنی شەکری خوێن، کارکردنی کۆ ئەندامی هەرس، یارمەتی مرۆڤ دەدات بە خێرای کێشی لەشی دابەزێت.

نانی جۆ بڕێکی باش کاربۆهیدراتی تێدایە، ئەمەش وزەیەکی باش دەبەخشێت بە جەستە و هەستی تێربوون زیاتر دەکات وادەکات خواردنی زۆر نەخۆیت.

رێژەیەکی باشی ڤیتامینەکان و پرۆتین و مادەی ئاسن لە نانی جۆدا هەیە ئەمەش وادەکات لەکاتی دابەزاندنی کێشا تووشی کەمی ڤیتامینەکان نەبینەوە.

نانی جۆ بۆ پتەوکردنی ئێسکەکان گرنگە، هەروەها ئەگەری تووشبوون بە جەڵتەی دڵ و نەخۆشییەکانی شێرپەنجە کەم دەکاتەوە.

س،ر