مەودا میدیا-

 رێبه‌ری ره‌وتی سه‌در شه‌ش پێشنیازی نوێی به‌مه‌به‌ستی دابه‌زاندنی به‌های دۆلاری ئه‌مەریكی له‌ به‌رانبه‌ر دیناری عیراقی خسته‌ڕوو، به‌گوێره‌ی یه‌كێك له‌ پێشنیازه‌كانیش " دەبێت هەریەکە لە وه‌زیری دارایی و پارێزگاری بانكی ناوه‌ندی بۆ په‌رله‌مان بانگهێشت بكرێن".

موقته‌دا سه‌در، رێبه‌ری ره‌وتی سه‌در له‌ راگه‌یه‌ندراوێكدا بڵاویكرده‌وه‌، سه‌باره‌ت به‌نرخی دۆلار به‌رانبه‌ر به‌ دیناری عیراقی چه‌ند پێشنیارێك ده‌كه‌ین بۆ ئه‌وه‌ی به‌رزبوونه‌وه‌ی به‌رده‌وام نه‌بێت.

ده‌قی پێشنیازه‌كان:

یه‌كه‌م: راگرتنی به‌هه‌ده‌ردانی دراوه‌كان و به‌تووندی رێگری بكرێت له‌ دراوی ساخته‌.

دوه‌م: ره‌چاوی هه‌ندێك بانكی وه‌ك بانكی رۆژهه‌ڵاتی ناوه‌ڕاست و قابز و ئه‌نساری سه‌ر به‌ چه‌ند كه‌سێك بكرێت كه‌ كۆنتڕۆڵی به‌های دراوه‌كان ده‌كه‌ن له‌گه‌ڵ هه‌ندێك بانكی دیكه‌ی ناحكومی.

سێیه‌م: ده‌ستبه‌جێ پارێزگاری بانكی ناوه‌ندی بۆ په‌رله‌مان بانگهێشت بكرێت.

چواره‌م: ده‌ستبه‌جێ وه‌زیری دارایی بانگهێشتی به‌رده‌م په‌رله‌مان بكرێت.

پێنجه‌م: رێكخستنی بازاڕی دراوی عیراقی به‌ شێوه‌یه‌كی ناوه‌ندی و رێكوپێك و به‌پێی یاساگه‌لێك كه‌ به‌های دیناری عیراقی زیاد بكات.

شه‌شه‌م: مامه‌ڵه‌كردنی پته‌و له‌گه‌ڵ چه‌ند بانكێكی سه‌ر به‌ هه‌ندێك له‌و حزبانه‌ی كه‌ كۆنتڕۆڵی وڵات و خه‌ڵكیان كردووه‌.

ر. ئ.