مەودا میدیا-

نزیكەی سێ هەفتەیە محەمەد عەللاوی سەرۆكی راسپێردراو بۆ پێكهێنانی حكومەتی عیراق سەرقاڵە بە كابینە وەزاریەكەیە و بە رای شارەزایانیش عەللاوی دەیەوێت حكومەتێكی باش دروست بكات.

بە وتەی هەندێك لە ئەندامانی ئەنجومەنی نوێنەرانی عیراق و كەسانی شارەزا، عەللاوی كابینە وەزاریەكەی بەرەو كۆتایی دەڕوات و حكومەتەكەی لە 22 وەزارەت پێكدێت.

ئەوان باسیان لەوەكردووە "عەللاوی لە ماوەی چەند رۆژی گفتوگۆو سەرقاڵبوون بە پێكهێنانی حكومەتەكەیەوە راوێژو چاوپێكەوتنی لەگەڵ دەیان كەسی شارەزا كردووە بۆ ئەوەی بیانكاتە وەزیر لە حكومەتەكەی.

تا ئێستا روون نەبوەتەوە كێن ئەوانەی دەبنە وەزیر لە كابینەكەی محەمەد عەللاوی و لایەنە كوردیەكانیش دەیانەوێت گفتوگۆی لەگەڵ بكەن.