مەودا میدیا-

دەستەی دەستپاكی لە هەرێمی كوردستان رایدەگەیەنێت ئەو لیستەی كە لە سایت و تۆڕە كۆمەڵایەتییەكان بڵاوكراوەتەوە پەیوەندی بە دەستەكەمانەوە نییە و ئێمە لێی ئاگادار نین.

 لە راگەیەندراوێكی دەستەی دەستپاكی لە هەرێمی كوردستان هاتووە "ماوه‌ی چه‌ند ڕۆژێكه‌ جارێكی تر له‌ تۆڕه‌ كۆمه‌ڵایه‌تییه‌كان لیستێك  بڵاو بووه‌ته‌وه‌ ده‌رباره‌ی ئه‌و كه‌سانه‌ی كه‌ كه‌یسی گه‌نده‌ڵییان هه‌یه‌ و له‌لایه‌ن ده‌سته‌ی ده‌سپاكی هه‌رێمی كوردستانه‌وه‌ لێكۆڵینه‌وه‌یان  له‌گه‌ڵ ده‌كرێت، بۆیه‌ ئێمه‌ به‌ هه‌موو لایه‌كی ڕاده‌گه‌یه‌نین كه‌ بڵاو كردنه‌وه‌ی ئه‌و لیسته‌ پێوه‌ندی به‌ ده‌سته‌وه‌ نییه‌ و لای ئێمه‌وه‌ بڵاو نه‌كراوه‌ته‌وه"‌.

 ئاماژە بەوەشكراوە " چه‌ندین جاره‌ به‌مشێوه‌یه‌ له‌ هه‌ندێك په‌یجی تۆڕه‌  كۆمه‌ڵایه‌تییه‌كان لیستی هاوشێوه‌ بڵاو ده‌كرێته‌وه‌ چه‌ندان كه‌س تۆمه‌تی گه‌نده‌ڵیان به‌ناوی ده‌سته‌ی ده‌سپاكییه‌وه‌ ده‌خرێته‌ پاڵ، بۆیه‌ داوا ده‌كه‌ین به‌هیچ جۆرێك ناوی ده‌سته‌ی ده‌سپاكی بۆ هیچ مه‌به‌ستێك به‌كار نەهێنرێت".

باس لەوەشكراوە "كاری ده‌سته‌ی ده‌سپاكی هه‌رێمی كوردستان به‌ جۆرێكه‌ له‌ قۆناغی لێكۆڵینه‌وه‌ ناوی هیچ كه‌سێك بڵاو ناكاته‌وه‌".