مەودا میدیا-

وەزیری کارو کاروباری کۆمەڵایەتی بڕیاریدا سەردانیکردنی سزادراوان لە ناو چاکسازی گەورانی سلێمانی رابگرێت بەهۆی بڵاوبوونەوەی ڤایرۆسی کۆرۆنا.

لە راگەیەندراوێکی چاکسازی گەورانی سلێمانی هاتووە "ئاگاداری کەس و کاری سزادراوانی چاکسازی گەورانی سلێمانی دەکەین بەفەرمانی وەزیری کارو کاروباری کۆمەڵایەتی حکومەتی هەرێمی کوردستان سەردانیکردنی سزادراوان بەهەموو شێوەیەک رادەگیرێت".

ئاماژە بەوەشکراوە "بۆ زیاتر پاراستنی تەندروستی سزادراوان و کەس و کاریان بەڕێوەبەری چاکسازی گەورانی سلێمانی بۆ کاتێکی نادیار بەهۆی بڵاو بوونەوەی ڤایرۆسی کۆرۆنا لەوڵاتێکی دراوسێ سەردانیکردنی سزادراوانی راگیراوە و لە ئەمڕۆ هەینی ئەو بڕیارە جێبەجێدەکرێت".