مەودا میدیا-

لەمەرزی نێودەڵەتی پەروێزخان 12 هاوڵاتی کەلار و گەرمیان راگیراون و لەژێرچاودێری پزیشکیدان بۆ دڵنیابوون لەوەی کە توشبووی ڤایرۆسی کۆرۆنا نین.

قائیمقامی کەلار رایگەیاند "بەچاودێری سەرپەرشتیاری ئیدارەی گەرمیان و بەهەماهەنگی لە گەڵ بەڕێوەبەرایەتی گشتی تەندروستی گەرمیان و کۆمەڵگای نێودەوڵەتی پەرویزخان تا ئێستا 12 هاوڵاتی کەلار و گەرمیان کە لە وڵاتی ئێران، گەڕابوونەوە راگیراون ، بەپێی رێنماییەکانی وەزارەتی ناوخۆی و وەزارەتی تەندروستی مامەڵەیان لەگەڵ دەکرێت لە ژێر چاودێری تەندروستی دان بۆ ئەو ماوەیەی کە وەزارەتی تەندروستی دیاری کردووە".

ئەوەشی خستەڕوو "کە بەردەوام رێژەی هاوڵاتیان کە لە ئێرانەوە دەگەڕێنەوە و دەخرێنە ژێر چاودێری تەندروستی لە زیادبووندان".

قائیمقامی کەلار باسی لەوەشکرد "سبەی هەوڵ دەدەن لە یەکێک لە ئوتێلەکانی شاری کەلار لە ژێر چاودێری بەڕێوەبەرایەتی گشتی تەندروستی گەرمیان جێگیر بکرێن".

هاوکات قائیمقامی کەلار داوای هاوکاری لە هاوڵاتیان کردووە، کە رێنماییەکانی تەندروستی جێبەجێ بکەن و سەردانی ئەوانە نەکەن کە راگیراون.