مەودا میدیا-

ڤایرۆسی كۆرۆنا پارێزگاکانی هەرێمی کوردستان دەخاتە ئامادەباشیەوە، لە شاری هەولێر نەخۆشخانەك چۆڵكرا بۆ ئەوەی هەر حاڵەتێكی گوماناوی هەبێت ببرێتە ئەو نەخۆشخانەیە بۆ رێگرتن لە بڵاوبوونەوەی ڤایرۆسی كۆرۆنا.
 
د. محەممەد خۆشناو، وتەبێژی وەزارەتی تەندروستیی هەرێمی كوردستان رایگەیاندوە "بۆ رێگرتن لە بڵاوبوونەوەی ڤایرۆسی كۆرۆنا و رووبەڕووبوونەوەی ئامادەكاری تەواویان كردووە و لە هەر شارە و نەخۆشخانەیەک تایبەت کراوە بۆ هەر حاڵەتێکی گوماناوی، بەڵام تاوەکو ئێستا هیچ حاڵەتێک تۆمارنەکراوە". 
 
باسی لەوەشکردوە "ئێستا لە شاری هەولێر نەخۆشخانەی فریاكەوتنی ناوەندی هەولێر بۆ ئەو مەبەستە تەرخانكراوە کە 55 قەرەوێڵەی خەواندنی نەخۆشی تێدایە، لە حاڵەتی لەناکاویش تاوەکو 70 نەخۆش لەخۆدەگرێت".