مەودا میدیا-

به‌‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی کوردستان  پێشبینییەکانی كه‌شوهه‌وای ئه‌مڕۆ دووشەممە 24ی شوبات و سبه‌ی سێشەممە 25ی شوباتی 2020 ی ناوچه‌ جیاجیاكانی هه‌رێمی كوردستانی بڵاوكرده‌وه‌.

به‌‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی کوردستان رایگەیاندووە "هاتنى شەپۆڵێکى باران بارین بە تایبەتى لەسەر بەشى  باشوورى هەرێمى کوردستان سەنتەرى کاریگەرى نزمە پاڵە پەستۆیەک دەکەوێتە سەر ناوەڕاستى عێراق ,کاریگەریەکەى درێژدەبێتەوە بۆ سەر بەشێک لە ناوچەکانمان، ئەم شەو باران بارین لە کاتەکانى شەودرەنگدا لە بەشێک لە ناوچەکانمان دەست پێ دەکات .ئاستى باران بارینەکە لەسەر بەشەکانى  باشوورى هەرێم زیاتر دەبێت بەتایبەتى بەشێک لە (ئیدارەى گەرمیان وە بەشێک لە ناوچەکانى باشوورى پارێزگاى سلێمانى) لە کاتى زیاد بوون و بەهێز بوونى  کاریگەرى ئەم  شەپۆڵە پێشبینى دەکرێت ئاستى باران بۆ بارانى بە لێزمە بگۆردرێت لە ناوچەکانى ئاماژە پێکراو وە ئەگەرى دروست بوونى هەورە تریشقەش هەیە لە کاتى بارانى بە لێزمە .لە درەنگانى شەوى سێ شەممە دا کاریگەرى لە سەر ناوچەکانى باشوورى هەرێم  کۆتاى دێت بەلام لەسەر ناوچەکانى ترى هەرێم لە کاتێکى زووتر کۆتاى دێت".

به‌پێی پێشبینییه‌كانی كه‌شناسی کەشوهەوای 48 کاتژمێری داهاتوو لە شارەکانی هەرێمی کوردستان بەمشێوەیەی خوارەوەیە.