مەودا میدیا-

سه‌رۆكی فه‌رمانگه‌ی ته‌ندروستی نه‌جه‌ف رایدەگەیەنێت یه‌كه‌م حاڵه‌تی تووشبوون به‌ ڤایرۆسه‌ی کۆرۆنا تۆماركراوه‌.

دكتۆر ره‌زوان كه‌نه‌دی، سه‌رۆكی فه‌رمانگه‌ی ته‌ندروستی نه‌جه‌ف رایگه‌یاند "یه‌كه‌م حاڵه‌تی تووشبوون به‌ ڤایرۆسه‌كه‌ تۆماركراوە  كه‌ ئێرانییه‌ و قوتابییه‌كی خوێندنگا ئایینییه‌كانه‌ له‌ نه‌جه‌ف".

ئاماژەی بەوەشکرد " ئه‌و كه‌سه‌ ئێرانییه‌، به‌ر له‌ بڕیاری قه‌ده‌غه‌كردنی هاتنی هاووڵاتیانی ئێرانی بۆ عێراق هاتووه‌ته‌ ناو خاكی وڵات".

ئەوەشی خستەڕوو " ئێستا ئه‌و كه‌سه‌ جیاكراوه‌ته‌وه‌ و چاودێری وردی پزیشكی بۆ ده‌كرێت".