مەودا میدیا-

جێگری پارێزگاری هەڵەبجە رایدەگەیەنێت مەرزی شۆشمێ لە تەوێڵە بەشێوەی كاتی بەڕووی هاوڵاتیان و گەشتیاران داخرا.

كاوە كەریم، جێگری پارێزگاری هەڵەبجە بە مەودا میدیای راگەیاند "بەهۆی بڵاوبوونەوەی نەخۆشی كۆرۆنا لە وڵاتی ئێران بڕیارماندا بۆ ماوەیەكی كاتی مەرزی شۆشمێ لە تەوێڵە بەڕووی هاوڵاتیان و گەشتیاران دابخرێت".

ئەوەشی خستەڕوو "بڕیارەكە لە ئەمڕۆ دووشەممەوە جێبەجێ دەكرێت و رێگە نادرێت لەو مەرزەوە هاتووچۆی هاوڵاتیان بكرێت".

هەر ئەمڕۆ بە بڕیارێكی فەرمی، تەواوی سنورەكانی هەرێمی كوردستان لەگەڵ وڵاتی ئێران بۆ ئاڵوگۆڕی بازرگانی و هەر پێویستیەكی تر لەگەڵ وڵاتی ئێران داخران.