مەودا میدیا-

وەزیری تەندروستی حكومەتی هەرێمی كوردستان رایگەیاند ئامێری پشكنینی نەخۆشی كۆرۆنا هێنراوەتە هەرێمی كوردستان.

سامان بەرزنجی، وەزیری تەندروستی حكومەتی هەرێمی كوردستان لە كۆنگرەیەكی رۆژنامەوانیدا رایگەیاند "بۆ یەكەمجار ئامێری پشكنینی نەخۆشی كۆرۆنا لە نەخۆشخانەكان دابینكراوە بۆ پشكنینی هاوڵاتیان".

ئاماژەی بەوەشكرد "تائێستا هیچ حاڵەتێكی گومانلێكراو لە هەرێمی كوردستان بوونی نییە".

پێشتریش حكومەتی هەرێمی كوردستان بڕیاری داخستنی هەردوو سنوری باشماخ و پەروێزخانی بە رووی هاوڵاتیان و  گەشتیاراندا.