مەودا میدیا-

بۆ خۆپاراستن لە نەخۆشی كۆرۆنا ئەنجومەنی پارێزگای سلێمانی  پشووی راگەیاند.

كاسترۆ مەعروف، ئەندامی ئەنجومەنی پارێزگای سلێمانی بە مەودا میدیای راگەیاند "ئەنجومەنی پارێزگای سلێمانی بڕیاریدا لە 26ى شوبات  پشوو بێت لە تەواوی قوتابخانەو خوێندنگاكان تا 24ی مارس".

ئەوەشی خستەڕوو " ئەو پشووە لە پێناو قوتابی و خوێندكارانە و بەهۆی بڵاوبوونەوەی نەخۆشی كۆرۆنایە".

ئەو بڕیارەی ئەنجومەنی پارێزگای سلێمانی هاوكاتە لەگەڵ بڕیاری ئەنجومەنی وەزیرانی هەرێمی كوردستان كە ئەمڕۆ لە كۆبوونەوەیەكدا بڕیاری راگرتنی دەوامیدا.