مەودا میدیا-

دوای ئەوەی لە ماوەی چەند رۆژی رابردوو لە شاری سلێمانی دوو كەس بە گومانی نەخۆشی كۆرۆنا خرانە ژێر چاودێری، دوای پشكنین دەركەوت هیچ كێشەیان نییە.

یاد نەقشبەندی، وتەبێژی تەندروستی پارێزگای سلێمانی بە مەودا میدیای راگەیاند "ئەو دوو كەسەی كە بە گومانی نەخۆشی كۆرۆنا خرابوونە ژێر چاودێری دواتر پشكنینیان بۆ كرا".

ئەوەشی ئاشكراكرد "دوای دەرچوونی ئەنجامی پشكنینەكە دەركەوت هیچ گرفتێكیان نییە و توشی ئەو ڤایرۆسە نەبوون و ئەنجامەكەیان (نێگەتیڤ) بووه واتە ڤایرۆسەكەیان نەگرتووە".