مەودا میدیا-

لە جەژنی قورباندا بە گشتی زۆرینەی خەڵك بڕێکی زۆر گۆشت دەخۆن بەهۆی ئەوەی گۆشتێکی زۆر دەبەخشرێتەوە و دەکرێت بە قوربانی، بەڵام زیادەڕۆییکردن لە گۆشت کاریگەریی نەرێنی لەسەر جەستە دەبێت.

ماڵپەڕی " elconsolto" لە بابەتێکدا ئاماژەی بە زیادەکانی خواردنی گۆشتی سوور کردووە ئەگەر زیادەڕۆیی لە خواردنیدا بکرێت، بەم جۆرە:

1- هەست بە خەواڵویی و ماندوێتی دەکەیت بەهۆی دەوڵەمەندی بە پرۆتین، هەروەها هەرسکردنی گۆشت زۆر دەخایەنێت بۆیە وادەکات جەستە هەست بە خەواڵوی و ماندوێتی بکات.

2- زیادەڕۆییکردن لە خواردنی گۆشت دەبیتە هۆی وەرینی قژ و تێكچوونی پێست، چونکە گۆشت ڤیتامین سی تێدا نییە کە هانی دروستکردنی کۆلاجین دەدات.

3- سیستمی بەرگری لاوازدەبێت چونکە چەورییە تێرەکانی ناو گۆشت هەوکردنەکان زیاتر دەکات، هەروەها دژەئۆکیسی تێدا نییە ژە رووبەڕووی هەوکردنەکان دەبێتەوە.

4- دەبێتە هۆی تووشبوون بە قەبزی بەهۆی کەمیی ریشاڵەکان لە پێکهاتەیاندا.

5- ئەگەری تووشبوون بە نەخۆشییەکانی دڵ زیاتر دەکات بەهۆی بەرزبوونەوەی ئاستی کۆلیسترۆڵی زیانبەخش لە خوێندا، کە دەبێتە هۆی تووشبوون بە نەخۆشییەکانی دڵ و رەقبوونی خوێنبەرەکان.

6- زۆر خواردنی گۆشت دەبێتە هۆی دروستبوونی بەردی گورچیلە چونکە مادەی بیۆریناتی تێدایە کە لەکاتی هەرسکردندا دەبێتە ترشی یۆریك و ئەگەری تووشبوون بە بەردی گورچیلە زیاتر دەکات.

ر. ئ