مەودا میدیا-

رووسیا و ئۆکرانیا ئەمڕۆ هەینی بە چاودێری نەتەوەیەکگرتووەکان و نێوەندگیری تورکیا رێککەوتنێکیان واژۆکرد لەبارەی دووبارە دەستپێکردنەوەی هەناردەکردنی دانەوێڵە.

ئەمڕۆ هەینی 22ی تەمووزی 2022 رووسیا و ئۆکرانیا بە چاودێری نەتەوەیەکگرتووەکان و نێوەندگیری تورکیا رێککەوتن لەسەر هەناردەکردنی دانەوێڵەی ئۆکرانیا و رێککەوتنەکە لە وڵاتی تورکیا واژۆکرا.

ئەم رێککەوتنەی رووسیا و ئۆکرانیا گرنگییەکی زۆری هەیە، چونکە دەتوانێت قەیرانی خۆراکی لە جیهان دووربخاتەوە و ملیۆنان کەس لە برسێتی بپارێزێت.

بۆ کردنەوەی رێگەکانی گەیاندنی خۆراک و پەینی کشتوکاڵی لەناو دەریای رەش سێرگی شوێیگو، وەزیری بەرگریی رووسیا و ئۆلیکساندر کوبراکۆڤ، وەزیری ژێرخانی ئۆکرانیا هەریەکەیان رێککەوتنێکی هاوشێوەیان لەگەڵ بەرپرسانی نەتەوە یەکگرتووەکان و تورکیادا واژۆکرد.

س.ر