مەودا میدیا- سازگار ئەحمەد

ئەمڕۆ پەرلەمانی عیراق بۆ دەنگدان بە کابینەی نوێی حکومەت کۆبووەوە کە محەمەد تۆفیق عەللاوی سەرۆکایەتی دەکات، بەڵام کۆبوونەوەکە دوخرا بۆ کاتێکی دیکە.

تەها حمد ئەمین، پەرلەمانتاری فراکسیۆنی یەکێتیی لە پەرلەمانی عیراق لەبارەی دواخستنی کۆبوونەوەی پەرلەمان بە مەودا میدیای راگەیاند "دواخستنی کۆبوونەوەکە پەیوەندی بە ململانێی نێوان لایەنەکان هەیە بۆ دەنگدان لەسەر کابینەکەی محەمەد تۆفیق عەللاوی".

ئاماژەی بەوەشکرد "بەشێک لە سوننە و شیعەکان و کوردەکان ناڕازین لەم کابینە نوێیە، هەروەها هەوڵدەدرێت رێکەوتنێکی نیشتیمانیی دورسبکرێت لە نێوان هەموو پێکهاتەکان بۆ پێکهێنانی ئەم کابینە".

ئەو پەرلەمانتارە سەبارەت بە کاتی دواخستنی کۆبوونەوەکە وتی "کۆبوونەوەکە بۆ رۆژی شەممە دواخراوە".