مه‌ودا میدیا- هێمن عوسمان

توێژینەوەیەکی نوێ کە لە گۆڤاری بەرزی فشاری خوێندا بڵاوکراوەتەوە، گەیشتووەتە ئەو ئەنجامەی کە خەوی بەردەوام پەیوەندی بە مەترسی بەرزبوونەوەی فشاری خوێن و جەڵتەی مێشکەوە هەیە.

بەپێی ماڵپەڕی  "Science Alert" ئەو ساتەوەختە کورتانەی پشوودانی رۆژ لەوانەیە بەس نەبن بۆ پاراستنمان لەو کورتهێنانە تەندروستیانەی کە رووبه‌ڕوومان ده‌بنه‌وه‌.

لە لێدوانێکدا، پزیشکی بێهۆشکەر "ئی وانگ " لە زانکۆی ناوەڕاستی باشووری شیانگیا لە چین ده‌ڵێت "ئەم ئەنجامانە بە تایبەتی سەرنجڕاکێشن، چونکە رەنگە ملیۆنان کەس چێژ لە خەوی بەردەوام یان تەنانەت رۆژانە وەربگرن".

لەم روەوە توێژینەوەکانی پێشوو ئاماژەیان بەوە کردووە کە پەیوەندییەکی ئەگەری لە نێوان خەوی رۆژ و بەرزی پەستانی خوێندا هەبێت، بەم شێوەیە یەکێک لە ئاڵۆزییە سەرەکییەکانی بریتییە لە جەڵتەی مێشک. خەوی یەک رۆژە دەتوانێت هاوکات بێت لەگەڵ زیادبوونی مەترسی تووشبوون بە بەرزبوونەوەی پەستانی خوێن و جەڵتەی مێشک، هەردوو حاڵەتەکە جدیین (بەرزی پەستانی خوێن)؛ بەهۆی بەرزبوونەوەی پەستانی خوێنی بەردەوامەوە دەستنیشان دەکرێت و هۆکارێکی سەرەکییە بۆ مردنی پێشوەختە، جەڵتەی مێشک دەبێتە هۆی کەمئەندامییەکی درێژخایەنی جدی و مردن.

ئەو کەسانەی کە بە بەردەوامی ده‌خه‌ون، مەترسی تووشبوونیان بە بەرزی پەستانی خوێن بە ڕێژەی 12% زیاترە بە بەراورد بەو کەسانەی کە بە دەگمەن دەخەون، هەروەها مەترسی تووشبوونیان بە جەڵتەی مێشک بە ڕێژەی 24% زیاترە

مایكل گراندینەر، دەروونناس و پسپۆڕی خەو لە زانكۆی ئەریزۆنا لە لێدوانێكدا سەبارەت بەو بابەتە، وتی: کەمخەوی لە شەودا پەیوەندی بە خراپی تەندروستییەوە هەیە و خەوی رۆژ بەس نییە بۆ قەرەبووکردنەوەی خه‌وى شه‌و.

س.ر