مەودا میدیا-

بەڕێوبەرایەتی هاتووچۆی گشتی عیراق بەهۆی مەترسی ڤایرۆسی کۆرۆناوە هەفتەیەک کارەکانی لە هەریەک لە پارێزگاکانی کەرکوک و نەجەف راگرت.

بەڕێوەبەرایەتی هاتووچۆی گشتی عیراق رایگەیاند "بەپێی پابەندبوونمان بە رێنماییەکانی ژمارە 55ی  لیژنەی تایبەتی ئەمری دیوانی بۆ ساڵی 2020، بەهۆی ئەو جەنجاڵییەی لە کاتی سەردانیکردنی هاووڵاتییاندا لە هەریەک لە بەڕێوەبەریەتیەکانی کەرکووک و نەجەف درووستبووە و لەپێناو رێگەگرتن لە بڵاوبوونەوەی ڤایرۆسی کۆرۆنا، بڕیارماندا به راگرتنی ئیش و کارەکان لە شوێنی تۆمارکردن بۆ ماوەی هەفتەیەک".

لە راگەیاندراوەکەی بەڕێوەبەرایەتی هاتووچۆی گشتی عیراق هاتووە "بڕیارەکە لە رۆژی شەممە بەرواری 29ی شوباتی 2020وە جێبەجێدەکرێت".