مەودا میدیا- ژیار ئازاد

ئاو یەکێکە لە پێداویستییە هەرە گرنگەکانی مرۆڤ هاوشێوەی خۆراک و ئۆکسجین لە ژیاندا و ئەستەمە سووڕی ژیان بەبێ ئاو بەردەوامیی هەبێ.

بێگومان وەک هەرشتێکی دیکە ئاویش جۆر و شێوازی بەکارهێنانی کاریگەریی لەسەر سوودەکانی دەبێت.

شارەزایانی تەندروستی لە نوێترین توێژینەوەیاندا بۆیان دەرکەوتووە، هەڵگرتنی ئاو لەناو پەرداخی مسدا بۆ ماوەی هەشت بۆ نۆ کاتژمێر، وادەکات ببێتە پاکترین ئاو و لە تەواوی بەکتریاکان پاکدەبێتەوە و شەش سوودی تەندروستیی سەرسوڕهێنەری بۆ مرۆڤ هەیە.

سوودەکانی ئاوی پەرداخی مس:

1-   یارمەتی گەدە دەدات بۆ ئاسان هەرسکردنی خۆراک، لەبەرئەوەی گەدە تەنها پێویستی بە ئاوە بۆ هەرسکردنی ئەو خۆراکانەی مرۆڤەکە خواردوویەتی.

2-   بەرگریی جەستە زیاددەکات و کەسەکە لە هەوکردن و بەکتریاکان دەپارێزێت.

3-   یارمەتیی زوو چاکبوونەوە و بەهێزکردنی ماسولکەکانی جەستە دەدات.

4-   سووڕی خوێن رێکدەخات و رێگری لە بەرزبوونەوەی فشاری خوێن دەکات.

5-   ئەگەری تووشبوون بە نەخۆشییەکانی گورچیلە کەمدەکاتەوە و جەستە لە ژەهرە زیانبەخشەکان پاکدەکاتەوە.

6-  رێژەی کۆریستڕۆڵی زیانبەخش لە جەستەدا کەمدەکاتەوە و ئەگەری تووشبوونی کەسەکە بە جەڵتەی دڵ و گیرانی مولوولەکانی خوێن دووردەخاتەوە.

خ.غ